I OLIMPIADAS DE ENVELLECEMENTO SAUDABLE
Publicado el 22 de septiembre de 2026
Unha experiencia para lembrar nas I Olimpiadas Galegas do Envellecemento Saudable 💙 Para nós, desde DomusVi Chantada, foi unha enorme alegría e emoción poder participar nas I Olimpiadas Galegas do Envellecemento Saudable. Foi moito máis ca unha xornada deportiva: foi un día para compartir, rir, aprender, emocionarnos e, sobre todo, para demostrar que a idade non é un límite para seguir participando, gozando e vivindo novas experiencias. As nosas persoas maiores foron protagonistas dunha xornada chea de ilusión, esforzo e compañeirismo. Ver os seus sorrisos, as súas ganas de participar e a satisfacción de sentirse parte dun acontecemento tan especial foi, sen dúbida, un dos momentos máis fermosos. Este tipo de iniciativas son moi importantes porque fomentan un envellecemento activo e saudable, favorecendo non só a actividade física, senón tamén as relacións sociais, a autoestima, a autonomía e o benestar emocional. Porque envellecer tamén significa seguir tendo ilusións, retos e novas oportunidades. E se hai algo que fixo estas Olimpiadas aínda máis especiais foi o seu carácter interxeracional. Compartir espazo e actividades con persoas de diferentes idades permitiunos comprobar que todas as persoas contan e todas as idades suman. Nenas, nenos, persoas adultas e maiores xuntos, aprendendo uns dos outros e demostrando que a convivencia entre xeracións nos fai medrar a todos. Marchamos desta experiencia cunha gran dose de emoción, orgullo e gratitude. 💙 Grazas por facer posible unha xornada na que a idade non separa, senón que une. Desde DomusVi Chantada, quedámonos cunha certeza: a mellor medalla é poder compartir, participar e seguir sumando momentos felices, a calquera idade. 🏅✨
)
)
)
)
Más noticias
)
Leer másSAN XOÁN
22/9/2026
Como todos os anos, en DomusVi celebramos unha das tardes máis especiais e máxicas do ano: o San Xoán. Nesta ocasión, ademais de compartir unha xornada chea de ledicia e bo ambiente, quixemos engadir un toque moi especial á celebración. Cada persoa residente escribiu os seus desexos e depositounos nunha caixa, coa ilusión de que a maxia da noite de San Xoán axude a facelos realidade. A festa continuou cun delicioso aperitivo antes do xantar, perfecto para ir abrindo o apetito e compartir un bo momento en compañía. E, como manda a tradición, non podían faltar as protagonistas da mesa: unhas saborosas sardiñas, que fixeron as delicias de todos e todas. ¡Umm, que ricas estaban! Foi unha xornada chea de tradición, convivencia e ilusión, na que desfrutamos xuntos dunha celebración que cada ano nos une e nos deixa fermosos recordos.
)
Leer másCHARLA SOBRE O BO USO DA TECNOLOXÍA
22/9/2026
Esta mañá tivemos o pracer de recibir a visita dos Corpos de Seguridade do Estado de Lugo, que impartiron unha charla moi interesante sobre o bo uso das tecnoloxías e as diferentes estafas e fraudes que podemos atopar no seu uso cotián. Ao longo da sesión explicáronnos, con exemplos prácticos e situacións reais, como identificar posibles enganos e que medidas podemos tomar para navegar e comunicarnos con maior seguridade. A charla foi moi participativa e dinámica, o que fixo que resultase aínda máis amena e próxima para todas as persoas asistentes. Os nosos e as nosas residentes quedaron encantados e encantadas coa actividade e, como non podía ser doutro xeito, aproveitaron a ocasión para resolver todas as súas dúbidas. As preguntas sucedéronse durante toda a charla, demostrando o gran interese que esperta un tema tan actual e importante. Queremos agradecer aos Corpos de Seguridade do Estado de Lugo a súa visita e a súa dedicación por achegar información tan útil, contribuíndo a que os nosos residentes poidan facer un uso máis seguro e responsable das novas tecnoloxías.
)
Leer másTaller de autogestión
22/9/2026
Hoy hemos acudido a la feria del pueblo a comprar ropa fresquita para estos días de calor. Cada residente ha realizado trabajo de reflexión, planificación y gestión económica para comprar de forma autónoma lo que necesitaban, luego hemos decidido recuperar fuerzas tomándonos algo.
)
Leer másMisa de final de mes
22/9/2026
Como é habitual cada fin de mes, os nosos residentes asistiron puntualmente á Eucaristía programada no calendario litúrxico mensual. A xornada transcorreu nun ambiente de gran benestar e devoción, destacando unha vez máis polo excelente clima de convivencia e satisfacción xeral que caracteriza a estas tradicionais actividades, nas que todos gozaron dunha experiencia moi gratificante coma sempre.