EXPOSICIÓN FOLIÓN DE CARROS 2026
Publicado el 22 de septiembre de 2026
🎉 Un ano máis, volvemos á Exposición de Carros de Chantada! 🐄 Como xa é tradición, este ano non quixemos faltar á nosa cita coa Exposición de Carros de Chantada 2026, unha celebración con moitos anos de historia que sempre nos gusta visitar, desfrutar e, por suposto, coñecer un pouquiño máis. Pero este ano a visita tivo un significado moi especial… 💭❤️ Moitos dos nosos residentes e das nosas residentes comezaron a lembrar como era a festa hai anos, compartindo historias, anécdotas e vivencias daquela época. E o máis bonito foi comprobar que algunhas das temáticas representadas nas carrozas lles resultaban moi familiares, xa que chegaron a vivilas en primeira persoa! Entre recordos, conversas e algunha que outra sorpresa, pasamos un momento estupendo, demostrando unha vez máis que as tradicións tamén son unha fermosa maneira de viaxar ao pasado e manter vivas as nosas lembranzas.✨ E despois de tanto percorrido e co calorciño do verán apertando… 🌞 tocaba poñerlle o broche perfecto á xornada: unha boa bebida ben fría para refrescarnos e seguir compartindo momentos xuntos!🥤😄 Porque se hai algo que nos encanta é seguir creando novos recordos sen esquecer os de toda a vida.❤️ Ata o ano que vén, Chantada!🎊
)
)
)
)
)
Más noticias
)
Leer másSAN XOÁN
22/9/2026
Como todos os anos, en DomusVi celebramos unha das tardes máis especiais e máxicas do ano: o San Xoán. Nesta ocasión, ademais de compartir unha xornada chea de ledicia e bo ambiente, quixemos engadir un toque moi especial á celebración. Cada persoa residente escribiu os seus desexos e depositounos nunha caixa, coa ilusión de que a maxia da noite de San Xoán axude a facelos realidade. A festa continuou cun delicioso aperitivo antes do xantar, perfecto para ir abrindo o apetito e compartir un bo momento en compañía. E, como manda a tradición, non podían faltar as protagonistas da mesa: unhas saborosas sardiñas, que fixeron as delicias de todos e todas. ¡Umm, que ricas estaban! Foi unha xornada chea de tradición, convivencia e ilusión, na que desfrutamos xuntos dunha celebración que cada ano nos une e nos deixa fermosos recordos.
)
Leer másCHARLA SOBRE O BO USO DA TECNOLOXÍA
22/9/2026
Esta mañá tivemos o pracer de recibir a visita dos Corpos de Seguridade do Estado de Lugo, que impartiron unha charla moi interesante sobre o bo uso das tecnoloxías e as diferentes estafas e fraudes que podemos atopar no seu uso cotián. Ao longo da sesión explicáronnos, con exemplos prácticos e situacións reais, como identificar posibles enganos e que medidas podemos tomar para navegar e comunicarnos con maior seguridade. A charla foi moi participativa e dinámica, o que fixo que resultase aínda máis amena e próxima para todas as persoas asistentes. Os nosos e as nosas residentes quedaron encantados e encantadas coa actividade e, como non podía ser doutro xeito, aproveitaron a ocasión para resolver todas as súas dúbidas. As preguntas sucedéronse durante toda a charla, demostrando o gran interese que esperta un tema tan actual e importante. Queremos agradecer aos Corpos de Seguridade do Estado de Lugo a súa visita e a súa dedicación por achegar información tan útil, contribuíndo a que os nosos residentes poidan facer un uso máis seguro e responsable das novas tecnoloxías.
)
Leer másTaller de autogestión
22/9/2026
Hoy hemos acudido a la feria del pueblo a comprar ropa fresquita para estos días de calor. Cada residente ha realizado trabajo de reflexión, planificación y gestión económica para comprar de forma autónoma lo que necesitaban, luego hemos decidido recuperar fuerzas tomándonos algo.
)
Leer másMisa de final de mes
22/9/2026
Como é habitual cada fin de mes, os nosos residentes asistiron puntualmente á Eucaristía programada no calendario litúrxico mensual. A xornada transcorreu nun ambiente de gran benestar e devoción, destacando unha vez máis polo excelente clima de convivencia e satisfacción xeral que caracteriza a estas tradicionais actividades, nas que todos gozaron dunha experiencia moi gratificante coma sempre.